Framskunda framløguna, tí tingfólk skulu á evnisdag

Tingfundur er í dag.

Bara framløga er á skránni.

Uppskot, sum annars skuldu leggjast fram týsdagin 4. februar og viðgerast 6. februar, vera í staðin fyri løgd fram í dag.

Orsøkin er tann, at 5. februar hevur løgtingið evnisdag.

Tí hava løgtingsfólk ikki rættiliga stundir til at lesa uppskotini, koma tey ikki í tingið fyrr enn 4. februar.

Talan er um fýra ella fimm uppskot. Tingfundurin í dag verður klokkan 11. 

Løgtingsskrivstovan skal hava uppskotini, sum skulu viðgerast í hesari tingsetuni, í seinasta lagi 21. februar.

Seinasti framløgudagur er 7. mars.