'Huldulitt': Á gandaferð í Viðarlundini

"Vit hava funnið utav, at har er tørvur á at leggja meira dent á okkara søgu og siðvenju. Har eru nokkso nógv børn - og ikki bara børn, men eisini vaksin, sum ikki kenna nóg nógv til hesa verðina. "

Tað sigur Tordis á Rógvi Biskopstø, sum er stjóri í Visit Tórshavn, ið skipar fyri tiltakinum. Endamálið er at varpa ljós á okkara siðsøgu og mentanararv, leggur hon aftrat. 

Søgurnar um huldufólk í Føroyum vóru skrivaðar síðst í 1800 talinum, fortelur Jóan Pauli Joensen, sum er professari í siðsøgu. 

"Har eru søgur, hvar ein maður hevur møtt einari huldugentu - og hann fær hana enntá í songina við sær. Hon svevur millum hann og konuna, men hon sær hana ikki - bara hann sær hana", greiðir professarin frá.