- Tíðindi, mentan og ítróttur
Ráðharrar hittast á makrelfundi í London
![](https://kvf.fo/sites/default/files/styles/grein-ovasta-mynd/public/dc76c32fc2b7b6048164b463633f9885.png?itok=IZNJ3_Da)
<div>Fyrrapartin verður ráðharrafundur í London um makrelin. Jacob Vestergaard, landsstýrismaður, er farin á fundin. Upprunaliga vórðu Føroyar ikki bodnar við. Men so boðaðu fyrst Norra og síðani ES frá, at Føroyar vóru vælkomnar.</div><div><br></div><div>Fundurin er millum strandarlondini, sum umframt Føroyar eru Norra, ES og Ísland. Londini hava higartil havt 13 úrslitaleys samráðingarumfør síðani 2009, tá Føroyar ikki longur vildu góðtaka bara at eiga knappliga fimm prosent av heildarkvotuni. Og harafturat var Ísland, sum tá ikki hevði støðu sum strandarland, farið at fiska makrel av álvara.</div><div><br></div><div><b>Írar leggja trýst á Damanaki</b></div><div><br></div><div>Maria Damanaki, fiskivinnukommisserur í ES, verður við á fundinum. Serliga írska fiskivinnan hevur lagt trýst á Mariu Damanaki fyri at fáa hana at halda fast og ikki slaka ein tumma fyri føroysku og íslendskum krøvunum.</div><div><br></div><div>So seint sum í gjár hitti Pat the Cope Gallagher, írskur ES tinglimur, Mariu Damanaki. Hann minti hana á, at eingin avtala um makrelin er frægari enn ein vánalig avtala fyri ES. </div><div><br></div><div><b>Burðardygdin í vanda</b></div><div><br></div><div>Pat the Cope Gallagher sigur við netmiðilin Donegal Democrat, at í 2009 var føroyska makrelkvotan knappliga 28.000 tons. Í ár er hon 149.000 tons. Hann minnir eisini á, at 12.september fer Evropatingið endaliga at staðfesta heimildina hjá ES at seta føroyingum og íslendingum og øðrum londum, sum sambært ES ikki fiska burðardygt, handilsforðingar. </div><div><br></div><div>Norski fiskimálaráðharrin, Lisbeth Berg-Hansen, og íslendski starvsbróðir hennara, Steingrímur J. Sígfússon, eru eisini farin á fundin í London í dag.</div>