Útlendingar fáa ikki eftirlønina sum løn

Útlendingar fáa ikki eftirlønina sum løn
Arbeiðsgevarafelagið sigur, at hetta er ein trupulleiki, og vandi kann kann vera fyri, at útlendingar ikki koma til Føroya at arbeiða, hóast brúk er fyri teimum
Tørvur verður á 700-850 fólkum í Føroyum, serliga við yrkisútbúgvingum og KT-førleika. (Savnsmynd)
 
10.02.2025 - 12:10

Tá ið útlendingar, sum arbeiða í Føroyum, fáa alla eftirlønina í einum, tá ið teir fara úr Føroyum, í staðin fyri sum løn, so hvørt teir fáa løn, kann tað gera, at teir ikki velja sær arbeiði í Føroyum.

Tað sigur Føroya arbeiðsgevarafelag í hoyringarskrivi um uppskotið um broyting í eftirlønarlógini.

Uppskotið er um at strika møguleikan hjá útlendingum at fáa eftirlønina sum løn.

Í staðin mælir landsstýrið til, at fólk fáa samansparingina, tá tey fara av landinum aftur, og ikki hava verið í Føroyum í meira enn 60 mánaðir.

Í kanning hevur arbeiðsgevarafelagið víst á, at starvsfólkatørvurin á summum økjum í privatu vinnuni er stórur.

 

Tørvur á 700-850 fólkum 

Um fáa ár kunnu vit vænta at skula brúka 700 til 850 fleiri fólk, serliga fólk við yrkisútbúgvingum og KT-førleikum.

Avleiðingin av uppskotinum um eftirlønina, kann gerast, at starvsfólkatrotið í privatu vinnuni verður størri, sigur arbeiðsgevarafelagið.

Felagið sigur, at tið útlendingar skulu velja millum størv í Føroyum ella uttanlands, leggja teir stóran dent á nettolønina.

Við broytingini, sum landsstýrið ætlar at gera, fáa fólk nógv minni í løn, tí eftirlønin ikki regluliga kann roknast um til løn. 

Er kopiera
Nýggjastu sendingar í ÚV
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226