Vil hava misálit á Bjørn Kalsø

Formaðurin í Havnar Framburðsfelag mælir floksfeløgunum í tinginum at atkvøða fyri, um mislálit verður reist á Bjørn Kalsø í tinginum

Formaðurin í Havnar Framburðsfelag, valfelagnum hjá Fólkaflokkinum í Suðurstreymi, heldur, at grundarlag er at reisa misálit á Bjørn Kalsø, landsstýrismann, fyri handfaringin av málinum um stjórasetanina á Vinnuháskúlanum.

Høgni Djurhuus

Johnsigurd Johannesen

03.09.2012 - 09:42

<div>Fólk í hinum stóra samgonguflokkinum, Fólkaflokkinum, krevja nú, at sambandsmaðurin Bjørn Kalsø fer frá sum landsstýrismaður í mentamálum.</div><div><br></div><div>Í brævi frá formanninum í Havnar Framburðsfelagi, sum er valfelag Fólkafloksins, verður kravt, at Leivur Harryson, fráfarni aðalstjórin, má inn aftur í Mentamálaráðið, og Bjørn Kalsø má frá, um nakað dism av rættarkenslu skal vera eftir í samfelagnum, sum tikið verður til í brævinum.</div><div><br></div><div><b>Grundarlag fyri misáliti</b></div><div><br></div><div>Jógvan Poulsen, formaður í Havnar Framburðsfelagi, skrivar bart út, at eftir hansara tykki er grundarlag fyri einum misáliti á Bjørn Kalsø. </div><div><br></div><div>- Um misálit á Bjørn Kalsø verður reist í tinginum, so mæli eg tinglimum Fólkafloksins til at atkvøða fyri, skrivar Jógvan Poulsen.</div><div><br></div><div>Bjørn Kalsø má frá í stundini, soleiðis at skaðin kann bøtast mótvegis Leivi Harryson og Hans Jóhannesi á Brúgv, sum ikki fekk stjórastarvið í Vinnuháskúlanum aftur, skrivar Jógvan Poulsen.    </div><div><br></div>