Málið um bygningarnar í Hoydølum dregur út

Tað verður ikki enn á sinni, at spurningurin um bygningarnar í Hoydølum verður svaraður.

Tað skilst á svari, sum fíggjarnevndin hevur fingið úr Barna- og útbúgvingarmálaráðnum.

Landið skuldi lata Tórshavnar kommunu partar av Hoydølum fyri Venjingarskúlan.

Málið tikið úr Yvirfriðingarnevndini

Málið liggur hjá Tórshavnar kommunu, eftir at kommunan hevur tikið málið um at broyta almennu og serstøku byggisamtyktina fyri Hoydalar aftur úr Yvirfriðingarnevndini, sigur Barna- og útbúgvingarmálaráðið.

Semja er millum kommununa og Yvirfriðingarnevndina um, at málið bleiv tikið aftur, tí neyðugt er ikki hjá Yvirfriðingarnevndini at taka støðu til málið, fyrr enn talan verður um eitt byggimál.

Næsta stig hjá kommununi er at samtykkja at broyta almennu- og serstøku byggisamtyktina fyri Hoydalar.

Tá tað er gjørt, fer málið í Býarskipanarnevndina hjá landinum, sum skal góðkenna uppskotið um broyting.

Í fyrsta lagi í heyst

Tá liðugt er at matrikulera, kann sølan fremjast, í fyrsta lagi seint í heyst. 

Eingin fíggjarlig ella materiell heimild er fyri at selja ognirnar í fíggjarlógini fyri 2025.

Málið er ikki nýtt. Tað byrjaði í mai 2023