Kvinnur eiga meginpartin av lønarvøkstrinum seinasta árið

Kvinnurnar eiga størsta partin av vøkstrinum í lønum seinasta árið.

Seinastu 12 mánaðirnar, frá februar í fjør til januar í ár, eiga kvinnur 38,9 prosent av lønunum. 

Tað er eitt prosent meira enn frá 2023 til 2024. 

12,8 milliardir krónur vóru goldnar í lønum frá februar í fjør til januar í ár.

Tað eru fimm prosent, slakar 600 milliónir meira enn árið fyri.  

Størsti vøksturin er hjá kvinnum, sum arbeiða hjá arbeiðsgevara undir almennum ræði. 

Í vinnugreinum er vøksturin serliga stórur í heilsu- og almannaverki og í almennari umsiting og verju.

Gongdin vísir, at vøksturin í útgoldnum lønum hevur verið støðugur, men hann er viknaður seinasta árið, skrivar Hagstovan.