- Tíðindi, mentan og ítróttur
Dennis Holm hevur nú svarað landsstýrismálanevndini
Dennis Holm hevur nú svarað landsstýrismálanevndini
Nevndin gjørdi fyribilsniðurstøðu, sum var send landsstýrismanninum 22. januar. Dennis Holm fekk longda freist at svara
Landsstýrismálanevndin hevur fingið svar frá Dennisi Holm, landsstýrismanni, til fyribilsniðurstøðuna í kæruni frá Árna Skaale, løgtingsmanni.
Mynd: Bjarni Árting Rubeksen
20.02.2025 - 08:52
Fólkini í landsstýrismálanevndini hjá løgtinginum fara at tosa saman í dag um, nær tey skulu hava fund at viðgera svarið hjá Dennisi Holm, landsstýrismanni.
Svarið kom í gjárkvøldið, sigur Hans Jacob Thomsen, formaður i nevndini.
5. mai í fjør kærdi Árni Skaale, løgtingsmaður, Dennis Holm, tí hann útlutaði 32.500 tons av svartkjafti við kunngerð.
Landsstýrismálanevndin fekk fyri jól í fjør advokatin Kristinu Samuelsen at gera eitt upprit og uppskot um niðurstøðu í málinum.
Síðani gjørdi nevndin eina fyribilsniðurstøðu, sum var send Dennisi Holm 22. januar.
Hann fekk 14 dagar at svara, men bað um og fekk 14 dagar aftrat.
Freistin at svara var til á midnátt í gjár.
Er kopiera
Nýggjastu sendingar í ÚV
Nýggjastu sendingar í SV
