Fyrireika seg til næsta ár

Ara vann unglingabólkin, tá onnur steypakappingin í estetiskum fimleiki var í Klaksvík um vikuskiftið. 

Tað kom ikki óvart á, tí tær úr Ljósinum eru nevniliga einastu unglingarnir í føroysku kappingini í ár. 

 - Vit taka hetta sum eina venjing, eftirsum tað er okkara fyrsta ár í unglingum, segði venjarin, Jenny Zachariassen, sum væntar, at tað vera fleiri lið at kappast ímóti næsta ár.

 - Vit tíma allar akkurát líka væl til venjing, tí vit elska at gera fimleik, men tað er kanska eitt sindur minni motiverandi, tá í vit ongan hava at kappast ímóti, segði Kata Herup.