Væntar at Zelenskyj og Trump hittast aftur

Franski uttanríkisráðharrin, Jean-Noël Barrot, væntar, at samrøðurnar millum Trump og Zelensky verða tiknar uppaftur.

Tað skrivar Reuters-tíðindastovan.

Fleiri ríkis- og stjórnar-leiðarar í Evropa, Nato og ES vóru sunnudagin á fundi í London at tosa um m.a. vápnahvíld millum Russland og Ukraina.

Barrot heldur, at við vápnahvíld fer at bera til at meta um, um Russland er sinnað at enda kríggið.