Forkvinnan: Málið er at finna nýtt landsstýrisfólk hesa vikuna

Málið er at finna nýtt landsstýrisfólk í fiskivinnu- og samferðslumálum hesa vikuna.

Tað váttar Sirið Stenberg, forkvinna í Tjóðveldi, í dag.

Eftir at Dennis Holm hósdagin í farnu viku varð loystur úr starvinum sum landsstýrismaður, skal nýtt fólk seta seg í sessin.

Hvør hetta verður, er ikki greitt, men sum skilst, verður tað helst ein úr tingmanningini.

Forkvinnan Sirið Stenberg sigur tó, at alt er opið, og at einki fólk er valt enn.

- Vit eru í tilgongdini, men tað tekur tíð, sigur hon.

Sirið Stenberg sigur, at málið er at velja nýtt landsstýrisfólk hesa vikuna:

- Tað er týdningarmikið, at hetta ikki stendur opið ov leingi, tí tað skapar ófrið, sigur hon.

Í tinginum fyri Tjóðveldi eru í løtuni Eirikur í Jákupsstovu, Annika Olsen, Hervør Pálsdóttir, Bjørt Samuelsen, Liljan Weihe og so Dennis Holm, sum kom aftur í tingið, eftir at hann fór frá sum landsstýrismaður.