Nýggja røktarheimið tikið í nýtslu leygardagin

Nýggja røktarheimið í Klaksvík, Heimið við Vágna, verður tikið í nýtslu leygardagin. Almenn móttøka verður klokkan 14, tá høvi verður at síggja bygningin. Millum teirra, sum fara at halda røðu, eru Annika Olsen, landsstýriskvinna í almannamálum, Jógvan Skorheim, borgarstjóri, Óluva Klettskarð, forkvinna í Trivnaðarnevndini Eldri&Bústaðir, og Eyðun Mohr Hansen, virkandi stjóri í Almannaverkinum.

Tríggjar búeindir

Klaksvíkar býráð samtykti í juni 2010 at byggja nýtt røktarheim.

Bygningurin er skipaður í trimum búeindum. Í hvørjari eind eru átta rúm við te-køki og baðirúmi, har dentur er lagdur á heimligar umstøður. Til hvørja eind er felags køkur og uppihaldsstova, umframt onnur rúm til starvsfólk, goymslu o.a.