Jarðskjálvti millum Grønland og Jan Mayen

Skjálvtin varð máldur til 6,6 á Richter-talvuni, men sambært tíðindastovunum hevur einki verið at merkt til skjálvtan

Á Jan Mayen merktu tey ristingarn av harða jarðskjálvtanum.

30.08.2012 - 16:21

Ein harður jarðskjálvti hevur í dag verið á havleiðunum við Jan Mayen. Skjálvtin varð máldur til 6,6 á Richter-talvuni, sigur USGS-jarðfrøðistovnurin sambært Reuters.Skjálvtin hevði miðdepil 93 kilometrar úr Jan Mayen, miðskeiðis millum Svalbard og grønlendsku eysturstrondina. Skjálvtin merktist á Jan Mayen, har hann elvdi til fleiri skriðulop, men ikki til oyðileggingar.Tað sigur May Johansen, sum er sjúkrasystir á Jan Mayen, við Politiken.dk. Innbúgv á veðurstøðini rapaði, og glas fór í knús. Harðari enn vanligtSmáir jarðskjálvtar eru ikki óvanligir á Jan Mayen, men hesaferð var skjálvtin harðari enn teir plaga at vera. 20 fólk búleikast á Jan Mayen. Tey arbeiða á veðurstøðini og radarstøðini á oynni, ið er undir norskum valdi.Hvørki á Svalbard ella í Grønlandi merktu tey til skjálvtan. Í Íslandi merktu tey smáar ristingar, skrivar NRK á netinum.Ríkisfundur er í Grønlandi í kvøld. Helle Thorning-Schmidt, forsætisráðharri, Kaj Leo Holm Johannesen, løgmaður, og Kupiik Kleist, landsstýrisformaður, hittast í suðurgrønlendsku bygdini Igaliku.