Eiga at banna elektroniskum urgum í Fólkakirkjuni

Tað er ikki fallið í góða jørð hjá Organistfelagnum, at Vestmanna kirkja hevur gjørt íløgur í eina elektroniska urgu heldur enn eina veruliga pípuurgu. Felagið heldur at talan er um eina eftirlíkning, sum ikki hoyrir heima í føroysku kirkjunum. Elektroniska urgan í Vestmanna avloysti annars eina eldri elektroniska urgu, og tað finnast eisini fleiri elektroniskar urgur í Føroyum. Organistfelagið er av tí fatan, at tær hoyra ikki heima í føroysku kirkjunum.