Kanska semingsuppskot í dag

Kanska kemur eitt semingsuppskot í dag, sigur Terje Sigurðsson, semingsmaður.

Semingsroyndin, sum er í Skálavík, byrjaði mikudagin.

Semingsstovnurin roynir at fáa yvirmannafeløgini og Fíggjarmálaráðið at semjast um nýggjan sáttmála fyri tann, sum fór úr gildi 1.oktober.

Ósemjan er um, hvussu lønin og nýggju reglurnar um hvíldartíð á strandfaraskipunum skulu samantvinnast.