Dóm fyri at stjala í VB-húsinum og TB-húsinum

Dóm fyri at stjala í VB-húsinum og TB-húsinum
Maðurin og kvinnan, bæði íslendsk, játtaðu seg sek, og hava latið aftur tað, tey tóku í Vági og á Tvøroyri
Mynd: Flickriver.com
 
08.11.2013 - 08:59

Ein maður og ein kvinna, bæði íslendsk, fingu dóm í Íslandi í gjár fyri at hava stolið í VB-húsinum og TB-húsinum á sumri 2010. Tey fingu 30 daga treytaða fongulsrevsing. Tey bæði vóru í VB-húsinum eina sunnunátt í juni í 2010 og stjólu har fyri 40.000 kr.

Eina sunnunátt í august sama árið vóru tey so í TB-húsinum og stjólu har fyri 20.000 kr. Tey stjólu millum annað klæði, fartelefonir, taskur og myndatól.

Játtaðu seg sek

Bæði fólkini, sum eru nøkur og tretivu ára gomul, játtaðu seg sek. Og tey hava latið aftur tað, sum tey tóku í Vági og á Tvøroyri.Liðugt var at kanna málið longu í 2010. Men ákæruritið varð ikki skrivað fyrr enn síðst í september í ár.

Tí fingu tey linari dóm, enn tey annars høvdu fingið. Í staðin fyri treytaleysa fongsulsrevsing er dómurin treytaður.

Er kopiera
Nýggjastu sendingar í ÚV
Leygardag 12. juli
Morgunlestur leygardagur 12.juli 2025
194084
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Fríggjadag 11. juli
RagnarRokk: Oskar Holldorff um Shards
194118
Nýggjastu sendingar í SV