Ruth Vang: Avbjóðingin verður at fáa hallið niður um 200 milliónir

 Landskassin fer at hava eina fjórðings milliard krónur í halli næsta ár. 

- Avbjóðingin verður nú at fremja átøk, so hallið kemur niður um 200 milliónir, sigur Ruth Vang, sum legði játtanarkarmarnar fram í dag.

Tað gongur striltið at fáa avlop á fíggjarlógini. Tá játtanarkarmarnir vórðu lagdir fram fyri júst einum ári síðani, varð sagt, at í 2025 kom vend í, og yvirskotið fór at koma 2026.

Í dag brast tann dreymurin endaliga, tá Ruth Vang enn einaferð legði fram játtanarkarmar, hesa ferð fyri 2026:

Landskassahallið verður 252 milliónir næsta ár

Í búskaparfrágreiðingini, sum fylgir við játtarnarkørmunum hesa ferð, verður staðfest, at landshúsarhaldið hongur ikki saman - hvørki næsta ár ella næstu árini.

Í fjør varð annars sagt, at vend kemur í í 2026 - tá skuldi aftur vera yvirskot í landskassanum:

Nú er málið at fáa yvirskot á fíggjarlógina í 2028. 

Hoyr innslag í útvarpstíðindunum: