- Tíðindi, mentan og ítróttur
Krevur sjálvstøðugan limaskap í WTO
<div>Á ríkisfundinum í Grønlandi eigur løgmaður at krevja av Helle Thorning-Schmidt, forsætisráðharra, at Føroyar fáa sjálvstøðugan limaskap í WTO.</div><div><br></div><div>Tað sigur Jákup Mikkelsen, formaður í løgtingsins uttanlandsnevnd, í einum opnum brævi til Kaj Leo Holm Johannesen. Hann vil eisini hava løgmann beinan vegin at taka stig til samráðingar við stjórnina í Kreml um ein fríhandilssáttmála við Russland.</div><div><br></div><div><b>Tollurin lækkar</b></div><div><br></div><div>Russland hevur fingið limaskap í WTO, og tað hevur við sær, at tollurin á fiskavørum lækkar. Men føroysku fyrimunirnir við russiskum WTO-limaskapi kunnu tó fara at vísa seg at vera søga um stutta tíð, og verri enn tað, sigur Jákup Mikkelsen, sum eisini er formaður fyri tingmanningina hjá Fólkaflokkinum.</div><div><br></div><div>Hann vísir á, at tá EFTA-londini hava gjørt fríhandilssáttmála við Russland, verður russiski tollurin á fiskavørum hjá teimum helst burtur, meðan føroyskar vørur framvegis noyðast at gjalda toll eftir WTO-sáttmálanum á russiska marknaðinum. Og skuldi tað hent, at ES og Russland eisini fara at gera fríhandilssáttmála, sum mangt bendir á, verður støðan enn verri fyri Føroyar.</div><div><br></div><div><b>Uppskot klárt</b></div><div><br></div><div>Jákup Mikkelsen sigur, at í Tinganesi og í Kreml liggur eitt liðugt samrátt fríhandilssáttmálauppskot frá árinum 2000 klárt at undirskriva. Sambært hesum uppskoti skal allur tollur í samhandlinum millum Føroyar og Russland verða tikin av. Russland gav Føroyum lyfti í 2000, at í somu løtu, Russland gjørdist limur í WTO, skuldi skrivast undir fríhandilssáttmálan, sigur formaðurin ú ttanlandsnevndini í opna brævinum til løgmann, sum í hesum døgum er á ríkisfundi í Grønlandi. </div><div><br></div><div><br></div><div><br></div><div><br></div>
