Hugburðsbroyting um kynsleiklutir á arbeiðsmarknaðinum

Í sambandi við, at Helene Pristed Nielsen er endurútnevnd adjungeraður lektari á Setrinum, helt hon í dag fyrilesturin "Kyn og stereotypur í arbeiðslívinum" í Kongshøll á Vestaru Bryggju.

Tá man kemur á eitt ellisheim, væntar man at møta kvinnuligum heilsustarvsfólkum og einum byggiplássi, væntar man at síggja manligar hondverkarar.

Hetta eru dømir um kynsstereotypur á arbeiðsmarknaðinum.

Kynsleiklutir, Glasir, timburlærlingur, timburmaður

Men skulu vit hava endaliga javnstøðu á økinum?

"Nei, ikki neyðturviliga, men hugburðurin til hvat kyn "eigur" at velja hvat yrki, skal broytast".

Tað sigur Helene Pristed Nielsen, adjungeraður lektari á Setrinum.

Helene Pristed Nielsen

"Vit skulu hava eitt opið kjak um hvat tað er sum ger, at yrki eru kynsdominerað og gera tað lættari at velja eitt yrki, ið vanliga ikki hoyrir til títt kyn."

Helene Pristed Nielsen hevur verið ráðgevi í donsku verjuni. Hon hevur tosað við kvinnur í herinum, sum fingu at vita frá lestrarvegleiðarum, at herfólk kundi hon ikki blíva, tí hon var kvinna.

Eisini sigur hon, at tá kvinnur og menn velja yrkir, ið víkja frá stereotypunum, mugu tey nærum verja sína avgerð, tí fólk seta serliga nógvar spurningar til tað.

Helene Pristed Nielsen saknar eitt opið samfelagskjak um samfelagsstrukturarnar, sum skapa kynsstereotypurnar.

Kynsleiklutir, Seymikona, Sniðgevi, Glasir, lærlingur, klædnaatstøðingur