- Tíðindi, mentan og ítróttur
Alilógin til viðgerðar í næstu viku
<div>Fríggjadagin í næstu viku fer løgtingið at viðgera lógaruppskotið hjá Vinnumálaráðnum, sum skal avmarka útlendskan eigaraskap í føroysku alivinnuni. Broytingin, sum skal koma í gildi 9.august í ár, sama dagin, sum uppskotið kom í løgtingið, hevur fingið misjavna móttøku bæði í vinnuni og í politisku flokkunum.</div><div><br></div><div>Fyrsta viðgerð hevur ikki verið enn, tí uppskotið varð sent til hoyringar, eftir at tað varð lagt fram í tinginum. </div><div><br></div><div><b>Er longu komin í gildi</b></div><div><br></div><div>Lógarbroytingin virkar frá 9.august, tí tað er hugsandi, at útlendsk alifeløg, eftir at uppskotið er lagt, fram fara at royna at fáa ræði á føroyskum alifyritøkum, áðrenn uppskotið kemur í gildi sum lóg og fær virknað, sigur Vinnumálaráðið í viðmerkingunum um lógarbroytingina.</div><div><br></div><div>Sama grundgeving er galdandi viðvíkjandi hoyringini. Var uppskotið farið til hoyringar fyrst, var hugsandi, at útlendsk alifeløg fóru at gera sær dælt av tí.</div><div>Vinnumálaráðið hevur leingi arbeitt við uppskotinum. Ætlanin var at fáa tað í løgtingið í vár, men tað lukkaðist tó ikki.</div><div><br></div><div>Hoyringarfreistin var úti í gjár. </div>
