Kyndil føroyameistari: Grøn frøi á Hálsi

Fagnaðurin millum tey grønu á Hálsi í Havn var stórur, tá mansliðið hjá Kyndli hevði vunnið á H71 og tryggjað sær sítt fyrsta føroyameistaraheiti í 18 ár.

 - Eg eri glaður og rørdur og lættaður og allar tær góðu kenslurnar, sum tú kanst hava, segði venjarin hjá Kyndli, Hjalti Mohr Jacobsen, beint eftir fimtu FM-finaluna, sum endaði við 24-23 sigri til teir grønu.

 - 18 ár er rættuliga lang tí, ha? Erling á okkara liði var ikki eingong føddur tá.

Hoyr eisini, hvat Rókur Akralíð og Tórður Guttesen søgdu eftir FM-dystin.