Frítekst tagging:
- Tíðindi, mentan og ítróttur
Landsstýrið hevur ongar ætlanir um eina installatørútbúgving í Føroyum
Landsstýrið hevur ongar ætlanir um eina installatørútbúgving í Føroyum
Djóni Nolsøe Joensen, landsstýrismaður í útbúgvingarmálum, sigur í svari til Honnu Jensen, løgtingskvinnu, at ongar ætlanir eru um eina installatørútbúgving í Føroyum
Á Glasir ganga ung, ið læra til hárskera og elektrikara, men eingin installatørútbúgving er í Føroyum, og eingin ætlan er um eina tílíka, sigur landsstýrismaðurin í útbúgvingarmálum
Mynd: Bjarni Árting Rubeksen / Savnsmynd
06.05.2025 - 08:32
Eingin ætlan er um at gera eina installatørútbúgving í Føroyum.
Tað sigur Djóni Nolsøe Joensen, landsstýrismaður.
Hann sigur seg tó vera sinnaðan at viðgera málið, um tørvur vísir seg at vera á slíkari útbúgving.
Hanna spurdi
Hanna Jensen, løgtingskvinna, spurdi, um ætlan er at seta installatørútbúgving á stovn í Føroyum.
Landsstýrismaðurin sigur, at útbúgvingin var boðin út saman við maskinmeistaraútbúgvingini í Vinnuháskúlanum frá 1990 til 1992.
Men undirtøkan minkaði tó skjótt burtur í næstan einki.
Kostar tríggjar mió. kr.
Ein kostnaðarmeting skal takast við ávísum fyrivarni til tað er greitt júst hvat innihaldið í útbúgvingini vildi verið.
Men til samanberingar kostar eitt skúlaár í miðnámi fyri ein flokk 1,5 mió kr.
Eitt semestur í professiónsbachelorútbúgving sum byggifrøðingar í hægri námi á Glasi kostar 600.000 kr.
Samanborið við hetta kostar ein útbúgving sum elinstallatør - hon tekur tvey ár - tvær til tríggjar milliónir krónur, sigur Djóni Nolsøe Joensen.
Djóni Nolsøe Joensen, landsstýrismaður, undir einari vitjan á Glasi herfyri (Mynd: Bjarni Árting Rubeksen)
Er kopiera
Nýggjastu sendingar í ÚV
Nýggjastu sendingar í SV
