Lekur framvegis í H-bygninginum

Í spildurnýggja H-bygninginum á Landsjúkrahúsinum eru tað starvsfólk, sum hava til vana at turka upp eftir lekum.

Hetta var ein trupulleiki í fjør og í dag er støðan enn hin sama. Nú bíðar Landsverk eftir svari frá sýni, sum skal siga, um klædningurin á bygninginum skal skiftast.

Sýn og meting

Sýnið bleiv gjørt 1. apríl í ár, og frágreiðingin verður klár hálvan juni.

Tað er Landsverk, sum á sinni setti byggifyritøkuna MT Højgaard at gera stóran part av arbeiðnum.

Og sambært Landsverki er tað tí MT Højgaard, sum hevur ábyrgdina av at rætta uppá tey viðurskifti, sum ikki eru mett at vera í ordan. 

Av tí at MT Højgaard ikki hevur gjørt hetta, skal sýnið nú liggja til grund fyri einum møguligum kravi móti MT Højgaard.