Bretskt flogfelag kannar innflúgvingartól í Vágum

Eitt flogfar hjá bretska British Midland Regional (BMI) setti seg enn einaferð í morgun á fløgvøllin í Vágum.

Endamálið við túrinum var, sambært Vágaportalinum, at felagið vildi millum annað vildi kanna innflúgvingartól á flogvøllinum.

Sama flogfar var í Sørvági í summar, men nú vildi felagið eisini gera ein túr hendavegin á vetrartíð og við øðrum sýni.

Áhugað í Føroyum

Harvið tykist greitt, at áhugin hjá BMI Regional at gera Føroyar part av sínum rutuneti, er til staðar.

BMI Regional hevur høvuðssæti í Aberdeen í Skotlandi, og flogfelagið flýgur millum stóru skotsku býirnar og til flestu størri býir í Onglandi og stóran part av Evropa eisini. Eisini verður flogið upp á Esbjerg, Billund og Keypmannahavn í Danmark, Gøteborg í Svøríki og Kristianssund í Noregi.

Flogførini, sum felagið brúkar, eru av slagnum Embraer og taka ávikavist 37 og 49 ferðafólk. Stjórin í Vága Floghavn, Jákup Sverri Kass, sigur við Vágaportalin, at bretarnir vór væl nøgdir við túrin.

Kelda: vp.fo

Mynd: Jógvan Helgi Hansen/VP