Tim Christensen tulkar Depeche Mode

Í fjør summar var tað meiningin, at danski sangarin Tim Christensen skuldi luttaka á G! Festivalinum. Men hetta vildu veðurgudarnir ikki, so hann var eftir í Danmark. Hann er kendur úr bólkinum Dizzy Mizz Lizzy og eisini sum einstaklingur.

Nú er Tim aktuellur við einum nýggjum videolagi. Hann hevur tulkað heimskenda lagið "Enjoy The Silence" hjá bólkinum Depeche Mode. Lagið varð innspælt í fjør, og tá vóru tað ikki nógv, ið dámdu tað, skrivar Gaffa.dk. Sjálvt um lagið ikki varð væl móttikið av donsku fjepparunum, dámdi forsangarin í Depeche Mode tað væl.

- Tá Depeche Mode spældu í Parkini, (…) fekk eg møguleikan at spæla mítt eyðmjúka coverlag fyri Martin Gore. (…) Hann var virkuliga villur við tí og rósti ikki minst mátan, eg hevði umsett sangin til fingraspæl á guitaranum. Hetta bleiv eg sjálvandi sera glaður fyri, sigur Tim Christensen við Gaffa.dk.

Talan er um eitt ”one take-videolag”, har Tim súkklar runt í Keypmannahavn uttan steðg.

Videolagið kann síggjast her.