Slættaberg kann fiska makrel við nýggjum eigara

Lógin varð ikki brotin, tá Slættaberg skifti eigara og aftur fór á makrelveiðu, men ein lógarbroyting er á veg, sigur løgmaður

Tað var í lagi, at Slættaberg fór aftur til makrelfiskiskap við einum øðrum eigara og fiski- og veiðiloyvi, sigur løgmaður.

Johnsigurd Johannesen

27.08.2012 - 15:32

<p>JFK-Trol, sum keypti Slættaberg frá partafelagnum Nærabergi, hevði fulla heimild at lata Slættaberg fiska makrel við loyvinum, sum Sundaberg hevði.</p><div><br></div><div>Tað skilst í svari, sum Kaj Leo Holm Johannesen, løgmaður, hevur givið Henriki Old, løgtingsmanni, ið hevur spurt um málið.</div><div><br></div><div><b>Tikin og seldur</b></div><div><br></div><div>Slættaberg varð tikin, tí skipið breyt ásetingarnar í makrelfiskiskapinum. Eigarin avgjørdi síðani at selja Slættaberg til eitt annað felag, og nýggi eigarin fór til fiskiskap við einum nýggjum veiði- og fiskiloyvi, sum hann hevur ræði á.</div><div><br></div><div>Løgmaður sigur, at Fiskimálaráðið hevur ikki tikið burtur eitt forboð, sum Fiskiveiðieftirlitið hevur givið. Hinvegin mátti almenni myndugleikin, t.e. Fiskimálaráðið og Fiskiveiðeftirlitið, staðfesta, at hann hevur ikki heimild at nokta nýggja eigaranum at nýta skipið við nýggja veiði- og fiskiloyvinum.</div><div><br></div><div><b>Lógarbroyting á veg</b></div><div><br></div><div>Løgmaður sigur eisini í svarinum til Henrik Old, at landsstýrismaðurin í fiskivinnumálum fer at taka stig til lógarbroyting, ið forðar fyri, at skip, sum hava fingið forboð fyri at fiska, kunnu verða nýtt av nýggjum eigara, við nýggjum loyvi, so leingi upprunaliga forboðið framvegis er í gildi. </div><div><br></div>