Verkætlanaruppskotini til farstøðina sýnd fram

Týsdagin 10. juni klokkan 16 bjóðar Vága Floghavn til almenna samkomu í Kirkjuhúsinum í Sørvági, har tey fýra uppskotini í verkætlanarkappingini um út- og umbygging av farstøðini hjá Vága Floghavn verða sýnd fram.

Henda dagin verður vinnarin av verkætlanarkappingini eisini avdúkaður.

Í fjør heyst varð lýst eftir umsóknum um undangóðkenning. Átta umsóknir komu inn, og av teimum átta vóru fýra toymi undangóðkend at vera við í verkætlanarkappingini.

Tey fýra toymini í kappingini eru:
 
AFRY Danmark A/S saman við Gottlieb Paludan og Advansia
Henning Larsen NA saman við LBF, PBC og Rambøll
SMJ saman við Kontrast Arkitektar, Zeso Arkitekter, Spenn og Niras
SNA saman við LBF, PBC og Cowi

Á tiltakinum týsdagin verða modell av øllum fýra verkætlanaruppskotunum at síggja.