2.000 hermenn aftrat úr tjóðarhirðini til Los Angeles

Guvernørurin í Kalifornia, Gavin Newsom, skrivar á miðlinum X, at hann hevur fingið boð frá Donaldi Trump, forseta, um at 2.000 hermenn aftrat frá tjóðarhirðini í Kalifornia verða sendir til Los Angeles.

Sostatt vera tilsamans 4.000 hermenn í tjóðarhirðini í Kalifornia sendir út í gøturnar í Los Angeles í sambandi við mótmæli ímóti, at Trump sendir tilflytarar úr landinum. 

Mótmælini hava verið í fleiri dagar.

Gavin Newsom

Gavin Newsom. (Mynd: Reuters/Ritzau Scanpix)

Guvernørurin í Kalifornia, Gavin Newsom, er ikki nøgdur við viðferðina, sum hermenninir fáa. 

Hvørki vátt ella turt

Hann er sera bersøgin:

- Teir fyrstu 2.000 hava hvørki fingið vátt ella turt. Bara 300 hermenn eru úti í gøtunum. Hinir sita og bíða í bygningum hjá tí almenna og hava eingi boð fingið, sigur Gavin Newsom, guvernørur í Kalifornia, og leggur aftrat, at er tað nakar,  "sum vanvirðir okkara hermenn, so er tað tú, Donald Trump."

Tom Homan, sum hevur evstu ábyrgd av trygdini við markið, vísir greitt aftur áheitanini frá Donaldi Trump, forseta, um at handtaka guvernørin í Kalifornia, Gavin Newsom.

Los Angeles ófriður

(Mynd: Reuters/Ritzau Scanpix)

Vil handtaka Newsom

Í gjár segði Trump, at um hann var Homan, hevði hann handtikið Newsom, sum sambært Trump er ódugnaligur.

Men Tom Homan sigur, at umsitingin hevur ongar ætlanir um at handtaka hann.

Los Angeles ófriður

(Mynd: AFP/Ritzau Scanpix)

Newsom hevur áður í beinleiðis sjónvarpssending boðið umsitingini hjá Donaldi Trump av við orðunum: "Komið bara eftir mær. Handtak meg, harði maður. Ger tað bara," eftir at Homan hevði róð framundir, at valdir politikarar kundu handtakast, um teir forða arbeiðnum hjá immigratiónsmyndugleikanum.

Í gøtunum í Los Angeles hildu mótmælini fram, og samanbrestir vóru eisini í nátt.

Korrespondenturin hjá danska TV2, Lotte Mejlhede, lýsti støðuna í Los Angeles soleiðis í nátt: