U21-landsliðið: Javnleikur í evstu løtu

Eitt brotskast frá Óla Mittún í evstu løtu tryggjaði føroyska U21-landsliðnum í hondbólti eitt stig ímóti Íslandi.

Bakspælarin var rendur umkoll beint fyri leiklok, og sendi sjálvur bóltin upp í hornið til 35-35, og so var frøið á føroyingunum, sum nærum høvdu mist alt á gólvið.

Tí Føroyar vóru frammanfyri mestsum allan dystin. Óli Mittún gekk aftur fremstur og skeyt sjey mál fyri steðgin, tá støðan var 21-19. Ísak Vedelsbøl skeyt eisini nógv mál í dag. Tilsamans 10, har trý vóru úr sjey metrum.

isak_u21.jpg

Frítekst tagging: 

Ítróttur

Hondbóltur

U21-landsliðið í hondbólti

Ísak Vedelsbøl

Íslendingarnir treiskaðust kortini allan dystin á tamb, og mansverja av føroyska GOG-manninum fjørdi so líðandi mun. Elmar Erlingsson skoraði sjey mál á rað upp á 12 minuttir, meðan íslendski málverjin veruliga lyfti stigið síðstu løtuna.

Ísland yvirhálaði, men Føroyar fingu ein síðsta kjans, og fingu bjarga sær eitt stig, sum kann fáa stóran týdning. Føroyingarnir hava nú trý stig, Rumenia tvey, Ísland eitt og Norðurmakedónia einki.  

Rumenia og Norðurmakedónia spæla í løtuni. Føroyskur javnleikur ella sigur á Rumenia leygardagin senda í øllum førum føroyingarnar víðari til miðumfarið.