Geri av innan tvær vikur, um vit leypa á Iran

Amerikanski forsetin, Donald Trump fer at gera av, um USA leypir á Iran innan tvær vikur. 

- Av tí, at tað er sannlíkt at samráðingar við Iran fara fram í næstum, so avgerði eg, um vit fara innan tvær tær næstu vikurnar, sigur Donald Trump, sambært tíðindatalskvinnu síni Karoline Leavitt. 

Hon váttaði eisini at samband hevur verið millum USA og Iran síðani kríggið millum Iran og Ísrael byrjaði, tá Ísrael leyp á Iran. 

NRK skrivaði fyrr í dag, at amerikanski sendimaðurin, Steve Witkoff, og iranski uttanríkisráðharrin, Abbas Araghchi, hava tosað saman í telefon fleiri ferðir síðani álopini byrjaðu í farnu viku.

Ísrael ætlar at oyðileggja eitt kjarnorkuverk hjá Iran sum verður hildið at vera undir jørð. Ísrael hevur tó ikki neyðugu vápnini til tað. 

Sambært BBC, er tað bara er USA, sum hevur eina bumbu, sum kann oyðileggja eitt verk undir jørð. 

Leypir USA á Iran ger tað óbótaligan skaða á viðurskiftini landanna millum, sigur iranski leiðarin Ayatollah Ali Khamanei við iranskar miðlar sambært reuters.