Samráðast nú aftur um makrel

Makrelsamráðingarnar verða verða tiknar uppaftur seinnapartin, tá samráðingarleiðararnir fyri strandarlondini hittast til fundar í Clonakilty í Írlandi. Á seinasta samráðingarfundi vórðu øll tey vanligu punktini á dagsskránni viðgjørd uttan tey bæði, sum eru at áseta mest loyvdu veiðu fyri 2014, og at býta makrelin millum strandarlondini.

Samráðingarnar næstu dagarnar fara at fevna um hesi bæði punktini.

Væl mannað nevnd

Føroyska samráðingartoymið, Sendistovan í London, Felagið Nótaskip og Føroya Reiðarafelag manna føroysku sendinevndina.

Á seinasta fundi, sum var í London í síðsta mánaði, vórðu tveir dagar settir av. Hesaferð er ein vika sett av til samráðingarnar.