Landsbankin: Arbeiðsloysið minkar í ár

ALS-skipanin er so væl fyri, at hon er ment at standa ímóti fleiri árum við lutfalsliga stórum arbeiðsloysi

Í dag eru 1259 fólk skrásett arbeiðsleys í ALS.

27.08.2012 - 09:41

<div>Arbeiðsloysið fer helst at minka, tað sum eftir er av árinum. Tað heldur Landsbankin. Í nýggjastu búskaparmetingini sigur Landsbankin, at síðst í 2010 var arbeiðsloysið 7,4 prosent. Men síðani er arbeiðsloysið minkað og er nú góð seks prosent.</div><div><br></div><div>Eitt nýtt uppsjóvarvirki er byrjað á Tvøroyri, og nýggj ellisheim lata upp. Harafturat tykist arbeiðsloysið í handilsvinnuni, tænastuvinnuni og byggivinnuni ikki at vaksa meira. Sambært ALS eru 1259 fólk arbeiðsleys í dag, 720 kvinnur og 539 menn.</div><div><br></div><div>Arbeiðsloysisskipanin er so væl fyri, at hon er ment at standa í móti fleiri árum við lutfalsliga stórum arbeiðsloysi, heldur Landsbankin.  </div>