Skuldsettir fyri at hava rúsevni innvortis

Tveir ungir menn, 19 og 20 ára gamlir, vóru varðhaldsfonglaðir í Føroya rætti í gjár fyri at royna at smugla rúsevni til Føroya.

Teir komu við flogfari týskvøldið.

Tollararnir á flogvøllinum tóku teir.

Teir eru skuldsettir fyri at hava rúsevni innvortis.

Talan er um 15 gramm av hassji og minst 26 gramm av kokaini - minst, tí alt var ikki komið út, tá grundlógaravhoyringin var í gjár.

Skuldsetingin umfatar eisini 400 millilitrar av ókendum løgi, sum politiið heldur skal brúkast til at gera rúsevni. 

Annar maðurin er føroyingar, og hin er dani.

Teir tóku ikki støðu til skuldarspurningin.