Maður deyður í arbeiðsvanlukku

Seinnapartin í dag doyði ein maður av einari arbeiðsvanlukku í haganum nærhendis Selatrað.

Maðurin var til arbeiðis fyri SEV og var uppi í einum elsteyra, tá hann brádliga datt niður úr steyranum.

Maðurin varð fluttur á Landssjúkrahúsið við tyrlu. Men lívið stóð ikki til at bjarga. Hann doyði av løstunum, upplýsir SEV.

Sambært SEV ber ikki til at siga meira um málið, fyrr enn viðurskiftini eru kannað nærri.

Familjan hevur fingið boð, skrivar SEV á heimasíðu sínari.