25 lond krevja, at kríggið í Gasa endar í stundini

25 lond, teirra millum Danmark, krevja nú, at kríggið í Gasa skal halda uppat í stundini.

Fleiri stjórnir hava almannakunngjørt eina felags fráboðan, og bretska stjórnin hevur lagt fráboðanina út á sína heimasíðu.

Umframt Danmark hava hesi londini hava skrivað undir fráboðanina: 

Avstralia, Belgia, Kanada, Estland, Finnland, Frankaríki, Holland, Ísland, Írland, Italia, Japan, Letland, Litava, Luksembourg, Ný Sæland, Noreg, Pólland, Portugál, Slovenia, Sveis, Spania, Svøríki, Stórabretland og Eysturríki.