Sjóvinnustýrið longu brúkt nýggju heimildirnar

Dagin eftir, málsøkið sjórættur var yvirtikið, hevur Sjóvinnustýrið brúkt sínar heimildir sambært yvirtøkuni.

Sjóvinnustýrið gav mikudagin Thor Frigg bunkerloyvisbræv.

Thor Frigg kom í Føroysku altjóða skipaskrásetingina í gjár.

Í seinasta lagi 20. februar næsta ár skulu øll føroysk skip hava føroysk loyvisbrøv frá Sjóvinnustýrinum, sum heitir á reiðaríini um at søkja um loyvisbræv í góðari tíð.

Bunkerloyvisbræv skulu øll skip, sum eru 1000 bruttotons ella meira, hava.

Loyvisbrævið staðfestir, at skipið hevur trygging hjá góðkendum tryggingarfelagi, sum veitir trygd fyri oljudálking, sum stendst av bunkerolju.

Trý onnur loyvisbrøv eru.