Sleppa ikki at atkvøða eftir egnari sannføring

Samgongutinglimir sleppa neyvan at atkvøða eftir egnari sannføring, tá uppskotið um at loyva samkyndum gifta seg borgarligt, kemur fyri tingið.

Løgmaður sigur við Sosialin í dag, at samgongan hevur bundið seg til, at hon tekur felags støðu til andstøðuuppskot.

Ikki í samgonguskjalinum

- Í samgonguni hava vit avtalað, at tá andstøðan kemur við uppskotum, ið kunnu seta samgongustevið í vanda, skulu hesi uppskot viðgerast í samgonguni fyrst. Mín uppgáva sum samgonguleiðari er at tryggja, at vit fylgja samgonguskjalinum. Og eg kann bara staðfesta, at hetta andstøðuuppskotið er ikki við í samgonuskjalinum, sigur Kaj Leo Holm Johannensen við Sosialin í dag.

Uppskotið, sum tey trý, Poul Michelsen, Rigmor Dam og Bjørt Samuelsen, løgdu fyri tingið mikudagin kemur til fyrstu viðgerð í aðru viku.