- Tíðindi, mentan og ítróttur
Stórur makrelur í íslendskum sjógvi, men lítil nøgd
Stórur makrelur í íslendskum sjógvi, men lítil nøgd
Havrannsóknarskipið Árni Friðríksson fekk bara makrel í 13 av 46 hálum. Tey vóru øll eystan fyri Ísland
Árni Friðriksson var við í árligu kanningini saman við skipum úr Noregi, Danmark og Føroyum.
Mynd: Shipspotting.com
07.08.2025 - 08:26
Fáir, men stórir makrelar vóru at fáa í íslendskum sjógvi.
Tað er niðurstøðan hjá íslendska havrannsóknarskipinum, Árna Friðrikssoni, sum var við í árligu kanningini saman við skipum úr Noregi, Danmark og Føroyum.
Tey kannaðu uppsjóvarfisk.
Árni Friðríksson fekk bara makrel í 13 av 46 hálum. Tey vóru øll eystan fyri Ísland.
Hann fekk bara 164 makrelar, 97 kilo.
Men teir vóru stórir. Miðallongdin var 40 sentimetrar og miðaltyngdin 590 gramm.
Ongantíð fyrr hevur makrelurin staðið so spjaddur við Ísland.
Endaliga samansjóðaða niðurstøðan hjá teimum fimm skipunum, sum vóru við í kanningini, kemur seint í august.
Er kopiera
Nýggjastu sendingar í ÚV
Leygardag 21. februar
TEMAPLÁTAN: 'Into The Gap' og aðrar útgávur, Thompson Twins 1983-1984-1985
204307
Nýggjastu sendingar í SV
