Politiið sendir amerikanara aftur til USA

Politiið fer í samráði við amerikonsku sendistovuna í Keypmannahavn at senda ein ungan amerikanara aftur til USA.

Maðurin kom til Føroya í síðstu viku.

Fólk hava ringt til politiið um mannin, sum ikki er so væl fyri.

Hann hevur dollarar, men reglurnar um hvítvask forða honum í at fáa teir vekslaðar í Føroyum, sigur politiið.

Maðurin hevur einki brotsverk gjørt her.

Men politiið heldur ikki, at hann heldur ásetingarnar í útlendingalógini, so tí kann hann ikki vera í Føroyum.