Tvey føroysk lið til U20-EM í sandflogbólti

Føroyar hava tvey lið við, tá endaumfarið í U20 EM-kappingin í sandflogbólti verður í Madrid um vikuskiftið. 

Maria Teresa Vitalis og Osla Johannesen, sum framvegis hava U18-aldur, kappast hjá kvinnum, og Rani Ákason og Filip Ilic hjá monnum.

Tey kunnu vænta sær sterka mótstøðu. Kvinnurnar, sum eru styrkismettar sum nummar 27 av 32 londum, eru í bólki saman við Kekkia (6), Grikkalandi (11) og Litava (22).

Menninir, sum eru mettir nummar 26 av 32, skulu spæla ímóti Ukraina (7), Fraklandi (10) og Kroatia (23). 

Maria Teresa Vitalis og Osla Johannesen spæla sín fyrsta dyst ímóti Kekkia í dag og skulu royna seg ímóti Grikkalandi og Litava í morgin.

Rani Ákason og Filip Ilic spæla ímóti Ukraina og Fraklandi í dag og Kroatia í morgin.