Framvegis lítið arbeiðsloysi

Arbeiðsloysið í Føroyum er framvegis lítið.

Tað var eitt prosent í juli, eitt vet minni enn í juli í fjør.

Í juli vóru 311 fulltíðararbeiðsleys, 41 færri enn í juli í fjør. 

90 færri kvinnur eru arbeiðsleysar enn menn.

45 langtíðararbeiðsleys

Í juli vóru 45 fólk, sløk 13 prosent, langtíðararbeiðsleys, skrivar Hagstovan. 

Tey hava verið arbeiðsleys í meira eitt ár, í meira enn 365 dagar.

53 vóru langtíðararbeiðsleys í juli í fjør.

Minsta arbeiðsloysið í Norðoyggjum

Minsta arbeiðsloysið var í Norðoyggjum í juli. Størsta arbeiðsloysið var í Suðuroynni.

Tey flestu arbeiðsleysu eru í aldursbólkinum 25 til 34.

Minsta arbeiðsloysið er í yngsta aldursbólkinum, sum er 16 til 24 ár.

Í dag eru 238 fólk skrásett hjá ALS, 82 kvinnur og 156 menn, og 183 fólk fáa fiskavirkisstuðul.