Evropiskir leiðarar hava telefonfund við Trump í dag

Ukrainski forsetin, Volodymyr Zelenskyj, franski forsetin Emmanuel Macron og aðrir leiðarar í Evropa fara í dag at hava telefonfund við amerikanska forsetan, Donald Trump.

Telefonfundurin verður klokkan tvey seinnapartin - eftir fundin, sum Zelenskyj og evropisku leiðararnir hava í París.

Fundirnir fara at snúgva seg um trygdina fyri Ukraina, og um illviljan hjá Russlandi at koma upp í eina friðartilgongd.

Týski samveldiskanslarin, Friedrich Merz, bretski forsætisráðharrin, Keir Starmer, aðalskrivarin í Nato, Mark Rutte, og forkvinnan í ES-nevndini, Ursula von der Leyen, eru millum teirra, sum vera á fundinum í Paris, umframt ukrainksi forsetin, Zelenskyj.