Døgg Nónsgjógv: "Kærleiki er bæði ein styrki og ein avbjóðing"

Fríggjamorgnar bjóðar Kringvarpið aktuellum bólkum og einstaklingum í útvarpsstovuna at spæla livandi tónleik beinleiðis í Studio 5. 

Gestur hesa ferð er Døgg Nónsgjógv, sum fyri stuttum læt frá sær heildarútgávuna, "Livandi". 

Tað eru 11 sangir, ið varpa ljós á vaksnamannakærleika.

Myndir: Bjarnir Árting Rubeksen

Útgávan er serlig á tann hátt, at hon er ein tulking av kærleikssøguni hjá foreldrunum - vegurin fram til kærleikan.

að er ein djúp tulking, har tónleikurin fangar bæði gleði, sorg, styrki og eymleiki - alt tað, sum kann røkka og raka í kærleikanum.

“Eg havi altíð verið hugtikin av, hvussu kærleiki kann síggjast bæði sum ein styrki og ein avbjóðing. Foreldur míni hava givið mær eina søgu, sum er bæði stórsligin og nærverandi, og tí ynskti eg at geva mær sjálvari ta avbjóðing at tulka kærleikan,” sigur Døgg.

Útgávan er skrivað saman við Høgna Lisberg og tikin upp í studio við Gøtugjógv.

Døgg og Høgni spæla tveir sangir beinleiðis í Studio 5 og tosa um drúgvu tilgongdina at gera Livandi.

Hoyr fyrstu útgávuna av "Beinleiðis úr Studio 5" her niðriundir:
 

1762065

Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 09.05