Trump: Gerningsmaðurin er handtikin

Maðurin, sum er undir illgruna fyri at hava dripið konservativa aktivistin Charlie Kirk, er handtikin.

- Alt bendir á tað, segði amerikanski forsetin, Donald Trump, í sendingini Fox & Friends fyri løtu síðani.

Drápið á Charlie Kirk hendi á einum politiskum kjakfundi framman fyri fleiri túsund fólkum á universitetinum í statinum Utah fyrradagin.

Sambært myndugleikunum var gerningsmaðurin staddur á tekjuni á einum bygningi, okkurt um 200 metrar frá Charlie Kirk. Hann brúkti eina riflu at skjóta við.

Myndugleikarnir hava fingið fleiri enn 7.000 áheitanir frá fólki síðani mikudagin.