Fleiri tikin av døgum í Norðurkorea

Myndugleikarnir í Norðurkorea hava seinastu árini hert eftirlitið við sínum íbúgvum, og fleiri eru tikin av døgum fyri millum at at deila útlendskar filmar og sjónvarpsrøðir.

Hetta stendur sambært BBC í eini ST-frágreiðing, sum varð almannakunngjørd í gjár.

- Einki annað fólk í heiminum livir undir so strongum eftirliti, stendur millum annað í frágreiðingini.

ST-frágreiðingin byggir millum annað á samrøður við 300 fólk, sum eru flýdd av landinum.

Tá fólk verða tikin av døgum, hendir tað ofta alment fyri at ræða onnur at gera tað sama.

Myndugleikarnir brúka nýggja tøkni at finna fram til fólk, sum eru undir illgruna, og enn eru nógvar politiskar fangalegur í landinum. 

Tann einasti glottin í frágreiðingini er, at fangar ikki longur verða líka illa píndir, sum fyrr.