Útflutningurin slakar 13 milliardir seinastu 12 mánaðirnar

Útflutningurin hjá Føroyum veksur.

Útflutt var fyri 12,7 milliardir krónur frá august í fjør til juli í ár.

Hetta eru 354 milliónir meira enn frá august í 2023 til juli 2024.

Hagstovan skrivar, at prísurin fyri makrel er tvífaldaður.

Útflutningurin av so at siga øllum fiskasløgum er størri nú.

Men útflutningsvirðið á laksi, fóðri, lýsi og øðrum slíkum fiskaúrdráttum er meira enn eina milliard krónur minni. 

Fimm lond keypa vørur fyri yvir eina milliard krónur um árið úr Føroyum. 

Tey eru USA, Bretland, Russland, Danmark og Spania. 

Seinastu árini er útflutningurin til Spania vaksin úr 50 milliónum krónum um mánaðin upp í 100 milliónir krónur.