Átta mánaðir fyri at brúka knív og at hótta

Ein 49 ára gamal maður hevur fingið átta mánaða treytaleysa fongsulsrevsing fyri at brúka knív og fyri at hótta í tveimum førum.

Maðurin noktaði seg sekan.

Hann var ákærdur, og er nú dømdur fyri at stinga ein mann minst eina ferð.

Tað var tann 21. juli. Hann hevur verið í varðhaldi síðani. 

Men hann var latin leysur eftir rættarfundin í gjár og fær boð, tá hann skal sita tað, sum eftir er av dóminum.

Maðurin, sum var stungin, var stungin aftan fyri oyrað, og fekk ikki stóran skaða.