Avmarkað tubbakssøla gevur ikki meiri í kassan

Ferðafólk keypa í staðin sigarettir í Kastrup og býta tær út í flogfarinum til kenningar at taka heim við, sigur stjórin í Vága floghavn

Jákup Sverri Kass, stjóri í Vága Floghavn, sigur seg vóna, at landsstýrið tekur burtur avmarkingina á tollfría innflutningin av sigarettum.

Jón Brian Hvidtfeldt

Johnsigurd Johannesen

22.08.2012 - 12:40

<div>Landskassin hevur ikki fingið fleiri inntøkur av tubbakssølu eftir lógarbroytingina, ið avmarkaði tollfría innflutningin úr 10 niður í fimm pakkar. Tað vísa tøl frá Taks, sum Vágaportalurin hevur fingið innlit í.</div><div><br></div><div>Landsstýrið roknaði í 2009 við at fáa 12 milliónir krónur í eykainntøku av at skerja tollfría innflutningin av sigarettum niður í helvt. Men sambært tølunum hjá Taks hava punktgjøldini á sigarettum staðið í stað á góðum 61 milliónum krónum, bæði í 2010 og 2011. </div><div><br></div><div><b>Keypa í Kastrup</b></div><div><br></div><div>-  Avleiðingin av lógarbroytingini í 2009 var, at fólk heldur fóru at keypa tubbak í Kastrup og síðani býta tað út til kenningar í flogfarinum at taka heim við, sigur Jákup Sverri Kass, stjóri fyri Vága Floghavn, við Vágaportalin.</div><div><br></div><div>Jákup Sverri Kass sigur seg vóna, at landsstýrið tekur burtur avmarkingina á tollfría innflutningin av sigarettum, tí tollfría sølan er týðandi partur av inntøkugrundarlagnum, bæði hjá Vága Floghavn og Atlantsflogi.</div><div><br></div>