Tapini í peningastovnunum eru lítil

Tap og avsetingar móti tapi hjá føroysku peningastovnunum eru lítil.

Tey eru okkurt um tvey prosent av útlánunum og veðhaldunum. 

Peningarstovnarnir hava síðani 2022 sett av millum 3,4 og 3,8 prosent móti tapi hjá vinnuni.

Avsetingarnar til lán til húsarhaldini hava verið millum 0,8 og 1 prosent. 

Tað skrivar Váðaráðið.

Tað skrivar eisini, at øll fýra pensjónsfeløg og tryggingarfeløg hava góðan solvens.

Útlán og innlán

Útlánsvøksturin til privatu vinnuna var 10,6 prosent í juli.

Hann er vaksin nógv samanborið við tað, sum hann var várið 2024, tá hann var negativur.

Innlánini eru eisini vorðin størri. Innlánsvøksturin var 10,5 prosent í juli.

Innlányvirskotið í peningastovnunum er stórt.Innlánini er 3,8 milliardir krónur størri enn útlánini.

Váðaráðið er varugt við, at vøksturin í innlányvirskotinum er stórt.

Tað hyggur eftir, um vøksturin er varandi ella bara fyribils.