Kreppufundur um Eurovision og Ísrael

European Broadcasting Union, EBU, hevur kallað til kreppufundar, har atkvøtt verður um Ísraelsku luttøkuna í songkappingini Eurovision Song Contest 2026.

Tað skriva fleiri miðlar.

Avgerðin varð tikin á eykastýrisfundi hósdagin. 

Atkvøðugreiðslan verður loynilig, sambært Aftonbladet, og verður í november.

Sangkappingin næsta ár verður í Wien í Eysturríki, og verður 70. útgávan av Eurovision sangkappingini.

Fleiri lond, t.d. Spania, Írland og Ísland, hava hótt við at boykotta kappingina, um ikki Ísrael verður útihýst.